Work long New Zealand hemi differen lelebet long hao yumi stap work long ka'aren long island or long olgeta offis long town long Vanuatu. Hemi full on. Taemyumi finis long nait (or late aftanun) yumi tait tumas mo yumi no gat taem blong ron ron olbaot blong faenem kaikai. And from se bae yumi mas kat gud rest blong redi from next dei, yumi jas nid blong kam long haos, kukum kwik kaikai, watchem news lelebt nao go sleep.
So hemia hemi wan kwik isi blong follem instraksen blong helpem yu blong priperem gud helthi kaikai kwik taem.
Steak, spud mo vege! (spud hemi wan lokol nem blong potato).
Bae mi givim instraksen blong wan person nomo be sapos yu kuk blong tu or tri pipol bae yu dabolem ol kaikai follem namba blong yufala.
Yu nidim wan pis steak, two potato, collie flaoa, brocollie, mo 1 carrot.
Blong kuk, yu nidim wan frying pan, wan vegetable steamer (wan sospen we i kat two part long hem) mo wan nara sospen blong potato.
Pilim potato, katem ij potato long 4 pis, putum olgeta long wan sospen, adem wota mo boilem long stove.
Katem sam hed blong brocollie mo collie flaoa mo slaisem olgeta. Washem carrot, katemaot ends blong hem, katem long half afta splitim each haf iko long four pis.
Nao putum 2 kap wota long sospen blong vegie steamer mo putum olgeta carrot long hem. Putum collie flaoa mo brocollie pises long namba 2 part mo putum andap long mama sospen. So that yu kat water mo carrot andanith mo brocollie mo collie we yu wantem steamim i stap andap. No boilem iet.
Nao putum fry pan blong yu long stove, smol oil igo, mo stat fraenem steak blong yu.
Yu mas taemem gud so that taem we potato hemi kolosap redi, yu statem fraenem steak blong yu, mo about 6 minit bifo tufala i redi, boilem carrot mo steamim vegie.
Sapos yu kasem gud taem bae evri samting i redi sem taem nomo, be evri samting oli kam gud wetem lelebet praktis.
Sevem kaikai blong yu mo putum smol pepper mo salt folem tingting blong yu mo sitdaon long table or long front blong TV, kaikai mo relax.
Yu save jensem vegetables, olsem usim kabej insted of brocollie, and so on, but always mekem sua se ol strong vegetables olsem beans mo carrot oli stap long water mo olgeta sof sof vegetables olsem kabej, silverbeet, brocollie oli stap long steamer antap.
Preparesen taem: 4 minit, cooking time: 20 minit. Yu save bitim taem ia?
Remember silip hemi impoten tumas, yu mas kat atleast 8 hours blong silip. Sapos yu no silip gud bae yu save kosem aksiden long work (long yu wan or long wan work fren blong yu). Long New Zealand, Time Manejmen hemi very impoten. Sapos yu organise gud mo follem wan rutin (routine), bae life hemi isi tumas long yu mo olgeta friends we oli liv wetem yu. | 
